నమ్మి నమ్మి - మనుషులను నీవు నమ్మి నమ్మి
పలుమార్లు మోసపోయావు
ఇలా ఎంతకాలము - నీవు సాగిపోదువు
రాజులను నమ్మి - బహుమతిని ప్రేమించిన
బిలాము ఏమాయెను ? దైవ దర్శనం కోల్పోయెను
నా యేసయ్యను నమ్మిన యెడల
ఉన్నత బహుమానము నీకు నిశ్చయమే || నమ్మి ||
ఐశ్వర్యము నమ్మి - వెండి బంగారము ఆశించిన
ఆకాను ఏమాయెను ? అగ్నికి ఆహుతియాయెను
నా యేసయ్యను నమ్మిన యెడల
మహిమైశ్వర్యము నీకు నిశ్చయమే || నమ్మి ||
సుఖ భోగము నమ్మి - ధనాపేక్షతో పరుగెత్తిన
గెహజీ ఏమాయెను ? . రోగమును సంపాదించెను
నా యేసయ్యను నమ్మిన యెడల
శాశ్వతమైన ఘనత నీకు నిశ్చయమే || నమ్మి ||
Like this:
Like Loading...
Related